இயந்திரச் சிக்கல்கள் இரண்டு

இயந்திரச் சிக்கல்கள் இரண்டு

நான் கணக்கில்

நூற்றுக்கு நூறு என்கிறேன்

அப்படியா

இந்தக் குக்குர் விசில்களை

எண்ணு பார்ப்போம்

என்கிறாள் மனைவி

எனக்கு ஐந்து வந்தால்

அவளுக்கு ஆறு வருகிறது

என்ன குக்கர் இது

கணக்குக்கு ஒத்து வராத குக்கர்

விசில் அடிக்க குக்கருக்குக் கற்றுக்கொடுத்தவர்கள்

ஏன்

ஒன்று, இரண்டு, மூன்று, …

கற்றுக் கொடுத்திருக்கக் கூடாது

*****

செயற்கை நுண்ணறிவு என்றால்

இயந்திரத்திற்கும்

மனிதருக்கும்

இடையே உள்ள உறவுச்சிக்கல்

என்று சொன்னால்

நீ ஏன் கோபப்படுகிறாய்?

நீ மனிதனாகவே இருக்கிறாய்

கொஞ்சம் ரோபோவாக மாறி யோசித்துப் பார்.

கோபப்பட மாட்டாய்.

கோபப்படுவது எப்படி இயந்திரமாகும் சொல்.

நான் எழுதுவதை இனி இயந்திரம் எழுதும்

எழுதட்டுமே

என்னைப் போல பல்டி அடிக்க முடியுமா

சொன்னதைச் சொல்லவில்லை என்று

திருப்பிச் சொல்ல முடியுமா

*****