நான்கும் கலந்த வாழ்க்கை

நான்கும் கலந்த வாழ்க்கை

இன்பமோ துன்பமோ

இரண்டும் கடக்கத்தான்

இன்பத்திலே இருந்து விடவோ

துன்பத்திலே தோய்ந்து விடவோ

யாரால் முடியும்

மீள்வதற்கு காலமாகிறது என்பதற்காக

மீளவே முடியாது என்பதா என்ன

கஷ்டம் நஷ்டம் வருத்தம் துயரம் இல்லாமல்

எப்படி இருக்கும் வாழ்க்கை

எல்லாவற்றையும் எப்படி எதிர்கொள்கிறோம்

என்பது அன்றோ வாழ்க்கை

வரமோ சாபமோ

இரண்டையும் எதிர்கொள்ளத்தான் போகிறோம்

வரத்தை மட்டும் எதிர்கொள்ள நினைப்பதன்றோ

மனதின் சாபம்

உண்மையின் அடுத்தப் பக்கத்தில்

சாபத்தை எதிர்கொள்வது வரம் என்று எழுதப்பட்டிருக்கிறது

நல்லது கெட்டது

நியாயம் அநியாயம்

நான்கும் கலந்தது வாழ்க்கை

*****