நம்பிக்கையின் சுழற்சி

நம்பிக்கையின் சுழற்சி

மனிதர்களின் நம்பிக்கைத் துரோகங்கள் நிராசையின் பாற்பட்டவை

துரோகங்களின் நிறைவில்கிடைக்கும் மகிழ்விற்காக

வேரோடு வெட்டிச் சாய்க்கிறார்கள்

வெட்டிச் சாய்த்த பின் நிழல் தராத மரத்தைச் சபிக்கிறார்கள்

விதையோடு வீழும் மரம்

பல நூறு மரங்களாக முளைக்கும் போது

ஒவ்வொரு மரத்தையும் வெட்டி வீழ்த்த

துரோகங்கள் கோடரிகளைத் தேடிக் கொண்டிருக்கின்றன

கோடரிகள் ஒவ்வொரு மரமாக வீழ்த்துவதற்குள்

பெருகிப் பல்கி விடும் மரங்கள்

துரோகங்களுக்குத் தங்கள் நன்றியைச் சொல்கின்றன

வெட்டி வீழ்த்தியதில் தேய்ந்து போய்க் கிடக்கும் கோடரிகள்

மற்றொரு கோடரியைப் பிரசவிக்க முடியாமல் இறந்து விடுகின்றன

நம்பிக்கைகள் மரணத்தில் துளிர் விடுவதைப் போல

துளிர் விட முடியாத துரோகங்கள்

நம்பிக்கைகளின் காலடி மண்ணில் புதையுண்டுப் போகின்றன

நன்றியுணர்வில் நம்பிக்கையோடு சுழலும் பூமி

சுமப்பது எதையும் தூக்கி எறிந்திடாமல்

துரோகங்களையும் சுமந்தபடி சுழன்று கொண்டிருக்கிறது

*****

அணையாமல் எரியும் நேரங்கள்

அணையாமல் எரியும் நேரங்கள்

துளி அவசரம்

நேரத்தைப் பெரிதாகப் பற்ற வைக்கிறது

கடந்து கொண்டிருக்கும் நேரம்

எரிவாயுக் கிணறெனத் தீப்பற்றி எரிகிறது

எல்லாரும் நேரத்தைப் பார்த்தபடி

ஆசுவாசமின்றி அலைகிறார்கள்

குறிப்பிட்ட நேரம் கடந்து பின்

எல்லாம் முடிகிறது

கடிகாரம் நிதானமாகச் சுழலத் தொடங்குகிறது

நிலா சாவகாசமாக வந்து நிற்கிறது

நட்சத்திரங்கள் பதற்றமின்றித் தோன்ற தொடங்குகின்றன

மறுநாள் மறுபொழுது

தீப்பற்றி எரிவதற்கென்றே

ஒதுக்கப்பட்டிருக்கின்றன சில மணி நேரங்கள்

காலக் கடிகாரத்தில் பரபரவெனச் சுழல்வதற்கென்ற

படைக்கப்பட்டிருக்கின்ற மனித முட்கள்

பெருங்காற்றில் அலைவுறும் சருகெனச் சுழலத் தொடங்குகின்றன

*****

ஒரு துளி தித்திப்பு

ஒரு துளி தித்திப்பு

ஏதோ ஒரு கதையோ கவிதையோ

சொல்வதற்கு உன்னிடம் இருக்கிறது

ரசித்துக் கேட்பதற்கோ களிப்பூட்டிக் கொள்வதற்கோ

நேரம் இல்லாமல் களைப்பே மிஞ்சும் இரவுகளில்

தூக்கம் ஒன்றே ரசனைக்குரியதாகவும்

களிப்பூட்டிக் கொள்வதற்காகவும் உள்ளது

கனவுகளில் கதையோ கவிதையோ

நிழற்படம் போல ஓடிக் கொண்டிருக்கிறது

விடிந்ததும் மறைந்து விடும் நிலவைப் போல

கனவைக் கோர்வையாக்கும் சொற்களோ

சொற்களை வடம் பிடிக்கும் ஓர்மையோ இன்மையால்

ஓர் இலக்கியவாதியை இழக்க வேண்டிய நிர்ப்பந்தத்தில்

ஏழரைக்கு வரும் ஒற்றைப் பேருந்தை

நடை பாதியுமாய் ஓட்டம் மீதியுமாய்

பறந்து வந்து பிடித்து

அற்றைத் தின அலுவல் மேல் ஏறுகையில்

டீ சாப்பிட்டுதானே வர்றே என்ற வாசகத்தில்

எங்கோ பட்டு எப்படியோ தெறிக்கிறது

கவிதையின் ஒரு துளி தித்திப்பு

*****

மனப்படகின் பயணம்

மனப்படகின் பயணம்

வார்த்தைகளுக்குக் கட்டுபடாமல் நீள்கின்றன முடிவுகள்

மனதுக்கு ஒவ்வாது கசப்பைச் சுமந்த வண்ணம் நகர்கின்ற

வாழ்க்கை நதியைத் திசை திருப்ப முடியாமல்

அல்லாடுகின்றன தள்ளாடும் நம்பிக்கைகள்

எண்ணங்களின் இழுவிசை ஒவ்வொருரையும்

வெவ்வேறு விதமாய்க் கவர்ந்திழுக்க

ஒவ்வொருவரும் ஒவ்வொருவர் மீதும் காட்ட விழையும்

அளவிடற்கரிய அக்கறையைத் தாங்க இயலாது

மிதந்தும் மூழ்கியும் மெலெழுந்தும் ஆழ அமிழ்ந்தும்

அலைவுறுகிறது பயணித்துக் கொண்டிருக்கும் மனப்படகு

பயணங்களின் முடிவில் மற்றொரு பயணம் துவங்கும் எனினும்

ஒரு பயணத்தின் இலக்கு ஒவ்வொரு பயணத்தையும்

ஒரே மாதிரியாய் மாற்ற முனைகிறது

ஒவ்வொரு பயணமும் ஒவ்வொரு மாதிரியானது என்பதறியாது

ஒரு பயண அனுபவம் எல்லா பயணங்களையும்

ஒருமையாய்த் தீர்மானித்து அதிகாரமிடுகிறது

ஒரு பயணத்தில் நேர்ந்து விடும் விபத்து

ஒவ்வொரு பயணத்தையும் அதீத பயத்தோடு துவக்கச் செய்கிறது

நதியும் பயணமும் யாருக்கும் கட்டுப்படாமல்

நிகழ்ந்து கொண்டேயிருக்கின்றன

ஏதோ ஒன்றுக்குக் கட்டுப்பட்டும்

பின் யாதொன்றுக்கும் கட்டுப்படாமலும்

திசை தெரிந்தும் திசை தப்பியும்

பலவிதமாய்ப் பயணித்துக் கொண்டிருக்கிறது மனப்படகு

*****

ஒப்பிக்கப்படும் பேரேடுகளின் படபடப்புகள்

ஒப்பிக்கப்படும் பேரேடுகளின் படபடப்புகள்

கொள்கையோடு வாழ்ந்தது போதும் என்று

யாவற்றையும் துறக்க தயாராகையில்

தலைமுடி உதிர்ந்து கொட்டுகிறது

தாடி முடி ஒவ்வொன்றாகத் தளர்கிறது

மார்பு முடிகளும் மேனி ரோமங்களும்

ஒவ்வொன்றாக விழத் தொடங்குகின்றன

மொத்தமாய் மழிக்கப்பட்டது போன்ற உடல்

பார்வைக்கு அச்சத்தைக் கக்குகிறது

தலைமுடித் தைலம் மேனி வனப்புத் திரவியங்கள்

தங்கள் தோல்வியைச் சொல்லிப் புலம்பியபடி அமர்ந்திருக்கின்றன

தீவிரமாகக் கொள்கையைத் தொட்டுக் கொண்டதற்காக

பழுதடைந்த சிறுநீரகங்கள்

கால்களை வீங்க வைத்த கதையைச் சொல்லி விட்டு

இதய துடிப்பை நிறுத்திய அத்தியாயத்தை நிறைவு செய்தால்

வாழ்க்கை புத்தகம் வாசித்து முடிக்கப்பட்டு விடுகிறது

மற்றொரு வாழ்க்கைப் புத்தகத்தை வாசிக்க நினைக்கும் போது

ஒரே விதமான நெடி பரவி மூக்கைத் துளைக்கிறது

நாக்கு முழுவதும் காளான்கள் முளைத்து

ருசியின் சுவடுகள் மலடாகி மலையேறுகின்றன

பேரோசையோடு படபடக்கும் புத்தகத்தின் பக்கங்கள்

இசையை ஒப்பிப்பதைப் போல மாறி விட்டன

*****

பனித்துளிக்குள் உறையும் தீப்பொறி

பனித்துளிக்குள் உறையும் தீப்பொறி

நான்கைந்து பேர் குழுமியிருந்தார்கள்

அழைப்பு விடுக்காது குறித்த நெடும்பேச்சு

முளை விடுவதற்கான அறிகுறி துளிர் விடத் தொடங்கியது

எப்படித் துவங்குவது என்ற தயக்கம்

மௌனமாய் உருக்கொண்டு உருண்டோடிக் கொண்டிருந்தது

அமைதியை உடைக்கும் குண்டை வீசுவதைப் போல

அழைத்திருக்கலாம் என்ற வார்த்தையிலிருந்து

சலனத்தைச் சரசரவென பரவும் அலையென விரிய விட்டார்கள்

அப்படியொன்றும் மாபெரும் தவற்றைப் புரியவில்லை என்ற

தடுப்புக் கவசத்தோடு சக்கர வியூகத்தின் மையத்தில் நிறுத்தும்

யுத்த தந்திரங்கள் அனைத்தையும் லாவகமாய்க் கையாண்டார்கள்

உக்கிரப் புழுதியோடு வார்த்தைக் கவிச்சி வீச வாய்ப்பிருந்த

களமாடி வேண்டிய நிலமும் பொழுதும்

தர்ம சங்கடத்தில் நிறுத்திய யாருக்கும் அழைப்பில்லை என்பதோடு

பனித்துளிக்குள் அடைபட்ட தீப்பொறியென உறைந்து போனது

*****

நெறிமுறைகளின் தேசம்

நெறிமுறைகளின் தேசம்

விருந்தின் நிறைவில் ஒருவருக்கு உணவில்லாத போது

ஒட்டு மொத்த விருந்தின் வருத்தம் தெரியாத வண்ணம்

உணவில்லாத மனிதரை உதாசீனப்படுத்தும் படலம் தொடங்குகிறது

விருந்தின் நேர ஒழுங்கு விதந்தோதப்படுகிறது

விருந்தின் சட்ட திட்டங்கள் பெரிதாக்கப்பட்டு

மனித குறைகள் கடுமையாக விமர்சிக்கப்படுகின்றன

விருந்துக்கான நேம நிஷ்டைகள் உருவாகின்றன

விருந்திற்குத் தகுந்தாற் போல்

மனிதர்கள் பொருந்திக் கொள்ள வேண்டுமென்பது

ஏகமனதாக ஏற்கப்படுகிறது

பொருந்தாத மனிதர்களுக்குப் பட்டினி என்பது

பொருத்தமான தண்டனையென சாசுவதமாகிறது

விருந்துகள் தொடர்ந்து நடைபெறத் தொடங்குகின்றன

புசித்தவர்கள் புசித்த வண்ணம் இருக்கிறார்கள்

பசித்தவர்கள் பசியோடு இருக்கிறார்கள்

விருந்தின் சட்ட நெறிமுறைகளுக்குட்பட்டு

யாவையும் ஏற்கப்படுகின்றன

*****

நுகர்வாற்றுப்படை

நுகர்வாற்றுப்படை

சிறிதினும் சிறிது கேட்கிறேன்

இந்த நுகர்வுக் கலாச்சாரத்தில்

இடமில்லை என்று அடித்து விரட்டுகிறார்கள்

விரட்டப்பட்ட வெட்கம் சுமந்து ஓடுகையில்

ஒன்றுக்கு ஒன்று இலவசம்

வாங்கிக் கொள்கிறாயா என்கிறார்கள்

இன்னொன்றைப் பராமரிக்க பணமில்லை என்றால்

கடன் விண்ணப்பத்தைக் கையில் நீட்டுகிறார்கள்

கடனைக் கட்டுவதற்கு தெம்பில்லை என்றால்

தாது புஷ்டி லேகியத்தை

மாதாந்திரத்  தவணையில் வாங்கிக் கொள்ள பரிந்துரைக்கிறார்கள்

கடனைக் கட்ட முடியாது போனால்

என்ன செய்வதென்று வினவுகையில்

அச்சத்தைத் தீர்ப்பது போல

தலைமுறைகளை அடகு வைக்கும் வசதி இருப்பதாக

புன்சிரிப்போடு ஆற்றுப்படுத்துகிறார்கள்

*****

God's reference

God's reference

A house where the tortoise entered spoiled

The one who raised the house saying like that

By roads that continue to rise

Inhabitant of the lower house

Amaze the world where turtles live

He was running in the soul of his mind

What he thinks that time

For humans who have survived turtles

Kneeling and he starting the prayer of thanks

In the hearts of turtles all over the world

A feel of gratitude arose and subsided

God then take this an account of note

*****

கடவுளின் குறிப்பு

கடவுளின் குறிப்பு

ஆமை புகுந்த வீடு விளங்காதென்றார்

வீட்டை உயர்த்திக் கட்டியிருந்தவர்

உயர்ந்து கொண்டே போன சாலைகளால்

தாழ்வான வீட்டில் குடியிருந்தவர்

ஆமைகள் வாழும் உலகத்தை வியப்போடு

மனக்கண்ணில் ஓடிவிட்டுக் கொண்டிருந்தார்

என்ன நினைத்தாரோ

ஆமைகளை வாழ விட்ட மனிதர்களுக்காக

மண்டியிட்டு கண்ணீர் மல்க நன்றி சொல்ல ஆரம்பித்து விட்டார்

உலகெங்கும் இருந்த ஆமைகளின் நெஞ்சில்

ஒரு சிலிர்ப்பு எழுந்து அடங்கியதாகக்

கடவுள் அப்போது குறித்துக் கொண்டார்

*****

A tree that gives birth to the forest

A tree that gives birth to the forest

We have to plant the trees ourselves

We have to water the trees

We are the ones who have to guard the watered trees

That's exactly how many trees you plant

Water for how many trees

How many trees will you guard

Look at the forest and the wild trees

Do not cut down a wild tree

One hundred forests will grow from one wild tree

*****

பெருங்காட்டைப் பிரசவிக்கும் ஒரு மரம்

பெருங்காட்டைப் பிரசவிக்கும் ஒரு மரம்

மரங்களை நாம்தான் நட்டு வைக்க வேண்டும்

நட்டு வைத்த மரங்களுக்கு நாம்தான் நீருற்ற வேண்டும்

நீரூற்றிய மரங்களை நாம்தான் காவல் காக்க வேண்டும்

அதுசரி எத்தனை மரங்களை நடுவாய்

எத்தனை மரங்களுக்கு நீரூற்றுவாய்

எத்தனை மரங்களுக்குக் காவல் காப்பாய்

காட்டையும் காட்டு மரங்களையும் பார்

ஒரு காட்டு மரத்தை வெட்டாதிரு

ஒரு காட்டு மரத்தினின்று நூறு காடுகள் உருவாகும்

*****

Humans are needed

Humans are needed

Little by little humans became machines

When human machines ask for higher wages

Robots are created

When the age of human work is thought to be over

To manage robots

As if to spit out the ads that humans are needed

Media contacts that flash that ads

*****

மனிதர்கள் தேவை

மனிதர்கள் தேவை

கொஞ்சம் கொஞ்சமாக மனிதர்களை எந்திரங்களாக்கினர்

மனித எந்திரங்கள் அதிக கூலி கேட்பதாக

எந்திர மனிதர்களை உருவாக்கினர்

மனித வேலையின் யுகம் முடிந்து விட்டதென நினைத்த போது

எந்திர மனிதர்களை மேலாண்மை செய்ய

மனிதர்கள் தேவை என்ற விளம்பரத்தைக் கக்கியபடி

மின்னிக் கொண்டிருக்கின்ற ஊடகத் தொடர்புகள்

*****

The nature that opens the way

The nature that opens the way

Asking for a natural way

It does not warn at any time

Nature opens up ways to be overlooked

It is the job of human beings to change and lock ways

Creating openings is the nature of nature

When floods are frightening

Ways to navigate all that nature hears

Whenever a storm blows

All nature hears are unobstructed paths for air

During earthquakes

Nature listens in ways that do not interfere with the movements

In the moments of the tsunami

All that nature hears is the ways of the shores

Ways where all the desires of nature are open

Nature opens when the ways are blocked

*****