அதிர்ஷ்ட கணக்கு

அதிர்ஷ்ட கணக்கு

நான் என்ன பெரிய அதிர்ஷ்டசாலி என்று

நீங்கள் நினைக்கலாம்

என்னைப் பற்றி நினைக்க

நான்கு பேர் இருக்கிறார்கள்

எனக்காகக் கவலைப்பட

எட்டு பேர் இருக்கிறார்கள்

எனக்காகக் கண்ணீர் சிந்த

இருண்டு பேர் இருக்கிறார்கள்

அவ்வபோது என்னைப் பார்த்து விட்டுச் செல்லும்

ஆறு பேர் இருக்கிறார்கள்

இப்படி இருபது பேர் இருக்கையில்

இந்த ஜென்மத்தில் எனக்கு வேறென்ன வேண்டும்

அதிர்ஷ்டசாலியாக இருக்க

அப்படி ஒருவர் இருந்தாலே போதுமானது எனும் போது

இருபது பேர் என்பது ரொம்ப அதிகம்

*****