விகடபாரதி: விலாசம் தேடும் விலாசம்

Showing posts with label விலாசம் தேடும் விலாசம். Show all posts

29 Oct 2024

1008 பிரச்சனைகளின் முகவரிகள்

பிரச்சனை என்பது இருக்கும்

பிரச்சனை இல்லாமல் இருக்க வேண்டும்

என்று நினைப்பதும் பிரச்சனைதான்

எந்தப் பிரச்சனை இல்லாமல் இருக்கும்

எல்லாவித பிரச்சனைகளும் இருக்கும்

எந்த விதமான பிரச்சனையும் இருக்கக் கூடாது

என்று நினைப்பதோ வேண்டுவதோ மாபெரும் பிரச்சனை

எல்லாரையும் போல நினைக்கலாம்

இணக்கம் இல்லை என்பது பிரச்சனை

இணக்கம் வேண்டும் என்று நினைப்பதும் பிரச்சனைதான்

அதிலேயே யோசித்துக் கொண்டு

அதிலேயே இருந்து விட முடியாது

பிரச்சனைகளை எதிர்கொண்டு

கடந்து கொண்டு இருக்கலாம்

அல்லது கண்டு கொள்ளாமல் இருக்கலாம்

பிரச்சனை குறித்த பிரார்த்தனைகளோ

தீர்ந்து விட வேண்டும் என்ற நம்பிக்கைகளோ

காந்த சக்தி போல பிரச்சனைகளை ஈர்த்து விடுகின்றன

எப்போதோ சந்திக்கின்ற வழிபோக்கர்களைப் போல

எதிர்கொண்டு செல்பவர்களுக்கு

பிரச்சனைகளின் விலாசங்கள் மனதில் தங்குவதில்லை

*****