ஐம்பது ரூபாய் நட்டமும் ஐநூறு ரூபாய் லாபமும்
இருநூறு
ரூபாய் பொருட்கள்
நூறு
ரூபாய் என்றதும்
திருவிழாக்களைத்
தோற்கடிக்கும் கூட்டம் கூடியது
வந்தவர்கள்
பொருட்களை அள்ளிச் சென்றதில்
பொருளொன்றுக்கு
ஐம்பது ரூபாயாவது
நட்டமாயிருக்கும்
என்று பேசிக் கொண்டார்கள்
ஐம்பது
ரூபாய் நட்டத்தில் விற்று
வாங்க
வந்தவர்கள் குறித்த தகவல்களைத்
திரட்டிக்
கொண்டவர்
வாட்ஸ்ஆப்பிலும்
பேஸ்புக்கிலும்
மின்னஞ்சலிலும்
குறுஞ்செய்திகளிலும்
புதுப்புது
அறிவிப்புகளைத் தந்தபடி
ஐம்பது
ரூபாய் நட்டத்தை
ஐநூறு
ரூபாய் லாபமாக அள்ளத் தொடங்கினார்
அத்துடன்
இப்போதெல்லாம்
வருடத்துக்கு ஒரு முறை
ஐம்பது
ரூபாய் நட்டத்தில் எதையாவது விற்க தயாராகி விடுகிறார்
*****
