மாநகரக் குறிப்புகள்

மாநகரக் குறிப்புகள்

இந்த மாநகரின் மழைக்காலத்தில்

காய்ச்சல் வந்தால்

மருத்துவரிடம் ஓர் ஊசி

அத்துடன் தற்காப்பிற்காக

ஒரு கோப்பை கபசுர குடிநீர்

இனி நிம்மதியாகத் தூங்கலாம்

*****

நகரங்களுக்குச் சென்ற பிறகுதான்

புரிந்து கொண்டேன்

மேம்பாலம் இல்லை என்றால்

அது நகரம் இல்லை

நான்கைந்து மேம்பாலங்கள் இல்லை என்றால்

அது மாநகரம் இல்லை

*****

மாற்றங்களை எதிர்த்தால்

சிக்கன் பிரியாணியோடு

நின்று கொள்ள வேண்டியதுதான்

ஷவர்மா கிடைக்காது

சாவும் கிடைக்காது

*****

என்னுடன் பேச யாருமில்லையா

ஏன் நான் இல்லையா

நான் எனக்கு நானேதான் பேசிக் கொள்கிறேன்

*****