மரியாதை மறந்த சாலைகள்

மொழிபெயர்ப்பு

“மாரியம்மா சொல்லு!”

“மாரி மம்மி!”

“காளியம்மா சொல்லு!”

“காளி மம்மி!”

மழலையின் மொழிபெயர்ப்பு

******

மரியாதை மறந்த சாலைகள்

ஓணான்கள்

பாம்புகள்

அணில்கள் இறந்து கிடக்கும்

பாதையில்

இறுதி மரியாதைக்கு

நேரமில்லாமல்

நகர்ந்து கொண்டிருக்கும்

சாலைகள்

*****

தலைமுறை இடைவெளி

பழைய பாட்டி வெற்றிலைப் போடுவாள்

புதிய பாட்டி மாத்திரை போடுகிறாள்

தலைமுறை இடைவெளி

*****

இரு வீடுகள்

வீடு

எனக்கு வீடு

ஒட்டடை

சிலந்திக்கு வீடு

ஒரு வீடு

சுத்தமாகும் போது

ஒரு வீடு

சிதிலமாகிப் போகிறது.

*****

விலைவாசி

நூறு தலைமுறைக்குச் சொத்து சேர்த்தால்

ஒரு தலைமுறை வாழலாம்

விலைவாசி அப்படி

*****