கட்டை வேகட்டும்
இருந்த காசுக்கு
சிதை எரிக்க
பாதி விறகுகள்தான்
வாங்க முடிந்தது.
ஒரு நூறு ரூபாயைக் கொடுத்து
வெட்டியானிடம்
கேட்டுக் கொண்டேன்
"எரியும் வரை எரித்து
விட்டு
நன்றாக எரியும் சிதையில்
தூக்கிப் போட்டு விடு
கட்டை வேகட்டும்!"
*****
ஆடைகள்
ஆடைகளையும்
நகைகளையும்
கேட்டால் சொல்லும்
அடுத்தவர்களுக்காக
நாம் செய்யும்
செலவுகளை!
கட்டிலிலும்
குளியலறையிலும்
ஆடைகளற்ற
நிர்வாண உடல் தரும்
இன்பம்
விலைகொடுத்து
வாங்க முடியாதது
என்பது தெரிந்தும்
பற்பல பணங்களைத்
தயார் செய்து கொண்டு
புறப்படுகிறோம்
புதுப்புது
ஆடைகளை வாங்க!
*****
