புரட்சி
வெடித்தால்தான் கிடைக்கும்
பலூனில் உள்ள
காற்றுக்கு விடுதலை!
*****
நுகர்ச்சி
பூனைகளுக்குத் தெரியும்
மீன்கள் வறுபடுவதும்
குழம்பில் கறி கொதிப்பதும்
அருகில் நாம் இருப்பதும்
தொலைவில் செல்வதும்
சரியான தருணங்கள் வாய்ப்பதும்
வாய்க்காமல் போவதும்!
*****
கதைகளின் நம்பிக்கைகள்
சரிபாதிக் கதை
தெரியாத
பாட்டியொருத்தி
தைரியமாக
சொல்லிக் கொண்டு இருக்கிறாள்
பாதிக் கதையில்
எப்படியும்
குழந்தைகள் உறங்கி விடும்
என்ற நம்பிக்கையில்!
*****
No comments:
Post a Comment