வாழ்க்கையின் பொழுதுபோக்கு

வாழ்க்கையின் பொழுதுபோக்கு

ஒரு காலத்தில் கதைப் புத்தகம் படிப்பதை

பொழுதுபோக்காகக் கொண்டார்கள்

அடுத்து வந்தக் காலத்தில் வானொலி கேட்பதை

பொழுதுபோக்காகக் கொண்டார்கள்

அதற்கடுத்து வந்தக் காலத்தில் தொலைக்காட்சி பார்ப்பதை

பொழுதுபோக்காகக் கொண்டார்கள்

அதற்கும் அடுத்து வந்தக் காலத்தில் இணையத்தில் உலாவுவதை

பொழுதுபோக்காகக் கொண்டார்கள்

அதற்கும் அடுத்து வந்தக் காலத்தில் சமூக ஊடகங்களில் மேய்வதை

பொழுதுபோக்காகக் கொண்டார்கள்

முழுவதும் அதிலேயே மூழ்கி

கண்களை மனதைக் கண்டதையும் கெடுத்துக் கொண்டவர்கள்

கெடுத்துக் கொண்டே இருந்தார்கள்

எதையும் கண்டு கொள்ளாமல் போனவர்கள் போய்க் கொண்டிருந்தார்கள்

டாஸ்மாக் அருகில் குடிக்காதவர்களும் இருக்கிறார்கள்

டாஸ்மாக்கிற்குத் தொலைவில் குடிப்பவர்களும் இருக்கிறார்கள்

அவரவர் மனம் அவரவர் விருப்பம் அவரவர் வாழ்க்கை

அறிவுரைகளுக்கும் ஆதங்கங்களுக்கும் எப்போதும் குறைவிருக்காது

நடப்பது நடந்து கொண்டிருக்கும்

மாறுவது மாறிக் கொண்டிருக்கும்

ஓர்மையோடு இருப்பவர்கள் இருப்பார்கள்

ஓர்மையின்றி அழிபவர்கள் அழிவார்கள்

புத்தி வந்து திருந்துபவர்கள் திருந்தாவர்கள்

திருந்தாதவர்களுக்காகப் பிரார்த்திப்பவர்கள் பிரார்த்திப்பார்கள்

மாறி மாறிச் சுழலும் வாழ்க்கை

நன்றாக இருப்பவர்கள் நாசமாகப் போவார்கள்

நாசமாய்ப் போனவர்கள் நன்றாக இருப்பார்கள்

மாற்றமின்றியும் மாண்டு போகுபவர்கள் போவார்கள்

சுழல்வது மட்டும் மாறாது

*****