கடவுளின் குறிப்பு
ஆமை புகுந்த வீடு விளங்காதென்றார்
வீட்டை உயர்த்திக் கட்டியிருந்தவர்
உயர்ந்து கொண்டே போன சாலைகளால்
தாழ்வான வீட்டில் குடியிருந்தவர்
ஆமைகள் வாழும் உலகத்தை வியப்போடு
மனக்கண்ணில் ஓடிவிட்டுக்
கொண்டிருந்தார்
என்ன நினைத்தாரோ
ஆமைகளை வாழ விட்ட மனிதர்களுக்காக
மண்டியிட்டு கண்ணீர் மல்க
நன்றி சொல்ல ஆரம்பித்து விட்டார்
உலகெங்கும் இருந்த ஆமைகளின்
நெஞ்சில்
ஒரு சிலிர்ப்பு எழுந்து அடங்கியதாகக்
கடவுள் அப்போது குறித்துக்
கொண்டார்
*****
No comments:
Post a Comment