பனித்துளிக்குள் உறையும் தீப்பொறி

பனித்துளிக்குள் உறையும் தீப்பொறி

நான்கைந்து பேர் குழுமியிருந்தார்கள்

அழைப்பு விடுக்காது குறித்த நெடும்பேச்சு

முளை விடுவதற்கான அறிகுறி துளிர் விடத் தொடங்கியது

எப்படித் துவங்குவது என்ற தயக்கம்

மௌனமாய் உருக்கொண்டு உருண்டோடிக் கொண்டிருந்தது

அமைதியை உடைக்கும் குண்டை வீசுவதைப் போல

அழைத்திருக்கலாம் என்ற வார்த்தையிலிருந்து

சலனத்தைச் சரசரவென பரவும் அலையென விரிய விட்டார்கள்

அப்படியொன்றும் மாபெரும் தவற்றைப் புரியவில்லை என்ற

தடுப்புக் கவசத்தோடு சக்கர வியூகத்தின் மையத்தில் நிறுத்தும்

யுத்த தந்திரங்கள் அனைத்தையும் லாவகமாய்க் கையாண்டார்கள்

உக்கிரப் புழுதியோடு வார்த்தைக் கவிச்சி வீச வாய்ப்பிருந்த

களமாடி வேண்டிய நிலமும் பொழுதும்

தர்ம சங்கடத்தில் நிறுத்திய யாருக்கும் அழைப்பில்லை என்பதோடு

பனித்துளிக்குள் அடைபட்ட தீப்பொறியென உறைந்து போனது

*****