ஆகிக் கொள்வது அவரவர் விருப்பம்

ஆகிக் கொள்வது அவரவர் விருப்பம்

எனக்கு இப்படித் தோன்றுகிறது

அதை பேசுகிறேன்

அதை எழுதுகிறேன்

உனக்கு அது எப்படித் தோன்றும் என்று

எனக்குத் தெரியாது

நீயும் பேசு

நீயும் எழுது

தயவுசெய்து கல்லை மட்டும்

கையில் தூக்காதே

மொழி தெரியா

ஆதிமனிதன் நீயென்றால்

தயவுசெய்து மன்னித்துக் கொள்

உன்னிடம் பேசியதற்காகவும்

எழுதியதற்காகவும்

நானும் உன் போல்

கற்கால கருவிகள் உபயோகிக்கம்

ஆதிமனிதன் ஆகிக் கொள்கிறேன்.

*****