பதில் எழுதா கடிதம்
அநேகமாய்
கடிதங்கள் இப்போது
வருவதில்லை என்பதால்
பதில் எழுதாமல் விட்டு
விட்டேன்
காதலிப்பதாய்
வந்த
ஒரு கடிதத்துக்கு!
*****
நினைவுகள்
குஞ்சு பொரித்த
கோழியை நினைவூட்டுகிறது
உன்மத்தமான காதல்!
குட்டிப் போட்ட
பூனையை நினைவூட்டுகிறது
எப்போதாவது
நீ தரும் முத்தம்!
கன்று ஈன்ற மாட்டை
நினைவூட்டுகிறது
பிரியமான
உன் தொடுதல்கள்!
மனிதனைக் கண்டு
சுற்றிச் சுற்றி வரும்
டால்பினைப் போல்
சுற்றி வருகிறது
இந்த முரடனைக் கண்ட
உன் பேரன்பு கொண்ட
பெரும் நேசம்!
*****
குட்டி போட்ட பூனையை நினைவூட்டுகிறது எப்போதாவது நீ தரும் முத்தம் அடடா...
ReplyDelete