நிலவின் வரைபடம்

நிலவின் வரைபடம்

ஆம்ஸ்ட்ராங் கால் பதித்த

சந்திரனை ஒத்த

சாலை முழுக்க பள்ளங்கள்

கார் லாரி பஸ் ஆட்டோ

எல்லாம் தலைதெறிக்கக் குதிக்கின்றன

உள் உறுப்புகள் இடம் மாறிக்

கொள்கின்றன

ஒரு பழைய சைக்கிள் மட்டும்

 நிதானமாகச் செல்கிறது

பின்னால் கணவனின்

தோளில் சாய்ந்தபடி

கர்ப்பிணி மனைவி

அத்தனை ஆயாசத்திலும்

பூமியிலிருந்து பார்க்கும் நிலவைப் போல

அவ்வளவு புன்னகையுடனும்

தலைநிறைய மல்லிகை சரங்களுடனும்

*****