புல் டாக் டைம்
பாசக் கயிற்றுடன்
எமன் நிற்கிறார்
அலைபேசியில் பேசுபவர்
பேசிக் கொண்டு இருக்கிறார்
புல் டாக் டைம்
28 நாட்கள் நீடிக்குமே என்று
பேரேட்டின் பக்கங்களைத்
திருப்ப முடியாமலும்
அலைபேசி பேச்சில்
ஒன்ற முடியாமலும்
வளைகிறார் நெளிகிறார்
கொட்டாவி விடுகிறார் சித்திரகுப்தன்
*****
உருளை காட்டும் அபாயச் சிவப்பு
காசு கொடுத்து யார் அடுப்பெரித்தார்கள்
கருவை
காட்டாமணக்கு
சுள்ளிகள்
சருகுகள்
மட்டைகள்
மரப்பட்டைகள்
பட்டுப்போன கிளைகள்
பன்னாடைகள்
பழைய டயர்கள்
எரியக்கூடிய அத்தனையும் விறாகாகி
விடும்
தன்னை எரித்தும் விறகாக்கிக்
கொள்ளலாம்
காசுக்கு விறகு வாங்குகிறவர்கள்
ஆடம்பரக் குடும்பம்
ஆயிரம் ரூபாய் இருந்தால்
ஆறு மாதத்துக்கும் கும்மாளம்
அன்று போலவா இன்று
ஆயிரத்து இருநூறு இல்லையென்றால்
வீட்டிற்கு வந்து இறங்காது
அபாயச் சிவப்பைக் காட்டும்
எரிவாயு உருளை
*****
No comments:
Post a Comment