ஓடும் மனதிடம் சொல்லுங்கள்

ஓடும் மனதிடம் சொல்லுங்கள்

விரைவு வேண்டாமென்று

என் மனதுக்கு யாராவது சொல்லுங்கள்

ஒரு காலத்தில் மிதிவண்டியின் வேகத்தில் ஓடி

தற்காலத்தில் புல்லட்டின் வேகத்தில் ஓடிக் கொண்டிருக்கிறது

காலப்போக்கில் அதன் வேகம் அதிகமாகலாம்

இரத்தமும் சதையும் எலும்புகளும்

ஈடு கொடுக்க முடியாத வேகத்தில்

மனம் ஓடிக் கொண்டே இருக்கிறது

உடல் நின்று விட்ட இடம் வெகு தொலைவில் இருக்கிறது

உடலும் மனமும் சந்திக்கும் புள்ளியை இழந்து விடும்

அந்நியப் புள்ளியில் தவிப்பதை அறிபவர்கள்

மனதிடம் சொல்லி

இப்போதாவது வேகத்தை நிறுத்த சொல்லுங்கள்

உடலைத் தேடி எடுத்து வர ஆகும் நெடுங்காலத்தில்

இதற்கு மேல் ஓடாமல் இருக்க

ஓடும் மனதிடம் யாராவது சொல்லுங்கள்

ஓடும் சக்கரத்துக்கு அச்சு முக்கியம் என்று

*****