பட்டாம்பூச்சி விளைவு

பட்டாம்பூச்சி விளைவு

பூக்களின் விலை கேட்பதில்லை

வாசனைக்குச் செஸ் வரி செலுத்துவதில்லை

தேனைச் சுவைக்கையில்

ஜிஎஸ்டி எதுவும் கொடுப்பதில்லை

பலவண்ணப் பெயிண்டிங்கிற்கு

காப்பிரைட்டும் இல்லாமல்

பட்ஜெட் பற்றியோ

வர்த்தக ஒப்பந்தம் பற்றியோ

டிரம்ப் பற்றியோ

ஏறி இறங்கும் தங்கம் பற்றியோ

எந்தக் கவலையும் இல்லாமல்

முட்காட்டில்

பட்டாம்பூச்சி ஒன்று

பறந்து திரிகையில்

ஏசி அறையில்

சுழல்கின்ற

சொகுசு நாற்காலியில்

அமர்ந்திருக்கும்

மனுஷப் பயல் ஒருவனின் இதயம்

பட்டாம்பூச்சியின் சிறகுகளை விட

படுமோசமாக படபடத்து

சட்டென நின்று போகிறது

*****