நடுநிசி நாய்கள்
நட்ட நடுநிசியில்
நடு சாலையில் சென்றவரை
நாய் கடித்துக் குதறிப் போட்டது
ஒரு நாய் கடித்துக் குதறுவதைப்
பார்த்து
ஒரு பத்தோ இரு பத்தோ
எண்ணிக்கையில் குறைவின்றி
நாய்கள் பட்டாளம் திரண்டு
வந்து
ரத்த ருசியில் நாவை நனைத்துப்
போயின
நள்ளிரவில் நல்லவர்கள் நடுத்தெருவில்
நடமாடாமல் இருக்க
ஊருக்கு பத்திருபது நாய்கள்
போதும்
பட்டப் பகலில்
பெருவேகமெடுத்து வரும் வாகனத்தில்
செயின் அறுத்துச் செல்வோர்
செல்லட்டும்
இரவில் கடுங்காவல் செய்த
நாய்கள்
பகல் பொழுதில் உறங்கித் திளைக்கட்டும்
*****
No comments:
Post a Comment