மறைந்து போகும் ஊதியம்

 

மறைந்து போகும் ஊதியம்

முப்பது ஆண்டுகளின்

இளமை தொலைந்த பிறகு

எதுவும் இல்லை என்றாகிறது

சந்தையின் நிச்சயமற்ற

விளையாட்டுகளில்

எல்லா எண்களும்

பூஜ்ஜியத்தை நோக்கிச் சென்று விட

முதுமையின் மீது

நடத்தப்பட்ட சூதாட்டமாகியிருந்தன

தவணை செலுத்திய கோப்புகள்

எஞ்சிய காலத்தின் வரைபடத்தின் மீது

அதிகாரத்தின் நாற்காலிகள்

வசதியாய் அமர்ந்திருக்க

அரிசிக்கும் பாலுக்கும்

கையேந்தும் நடுங்கும் கரங்களைப்

பகடைக் காய்கள் உருட்டுகின்றன

கௌரவமான தற்கொலைக்கான

தூக்குக் கயிற்றை

முடிச்சிட முடியாமல்

மரணம் தள்ளிப்போய்க் கொண்டிருக்க

துரதிர்ஷ்டம் பிடித்த ஊழியர்களிடமிருந்து

தள்ளியே நிற்கிறது பென்ஷன்

****