செருப்பின் இருப்பு

செருப்பின் இருப்பு

கிழிந்தவற்றோடு வந்த

எல்லோருடையதையும்

தைத்து முடிந்த பிறகு

கடையடைத்து விட்டு

சென்ற போது

பார்த்தேன்

கிழிந்த செருப்பை

லஜ்ஜையின்றி மாட்டிக் கொள்ளும்

செருப்பு தைப்பவர்

*****

இருக்கு ஆனா இல்ல!

மிளகாய் இருக்கு

மல்லி இருக்கு

நல்லெண்ணெய் இருக்கு

தேங்காய் எண்ணெய் இருக்கு

அரைச்ச மாவு இருக்கு

உடைச்ச உளுந்து இருக்கு

வெங்காயம் இருக்கு

தக்காளி இருக்கு

பூண்டு இருக்கு

உருளை இருக்கு

எல்லாம் இருக்கு

இன்னும் என்ன பார்க்கிறீங்க

என்கிறார் வியாபாரி

பையில் பணம் இருக்கான்னுதான்

என்கிறாள்

ஜிஎஸ்டி தெருவில் வசிக்கும் பாட்டி

*****