ஜென் பரம்பரையின் ஒருவர்

கடைசி வரை திட்டம்

மகனுக்கு அரசு வேலை

மகளுக்கு அமெரிக்க மாப்பிள்ளை

பேரன் பேத்திகளுக்கு வங்கி வைப்பு

சந்ததிகளுக்கு ஆகட்டும் என்று

புறநகரில் ஒன்றுக்கு இரண்டாய்ப் ப்ளாட்டுகள்

அதற்கு மேலும் வருமானத்துக்கு உதவட்டும் என்று

மூன்று வாடகை வீடுகள் ஒரு வணிக வளாகம்

யாருக்கும் எந்தத் தொந்தரவும் வேண்டாம் என்று

அறுபதாம் கல்யாணம் முடிந்த ஆறு மாதத்தில்

தீர்க்க சுமங்கலியாய்ப் போய் சேர்ந்த துணைவி

எல்லாருக்கும் விட்டுச் சென்றது எண்பது சவரன்

இதற்கு மேல் வேறென்ன இருக்கிறது

பணத்தைக் கட்டி விட்டு

நிம்மதியாக ஓய்வெடுக்க இருக்கவே இருக்கிறது

முதியோர் இல்லம்

*****

ஜென் பரம்பரையின் ஒருவர்

பச்சை விளக்கு ஒளிரும் நேரம் பார்த்து

நின்று விடும் வாகனத்தைப் பார்த்து

ஏன்டா செல்லக்குட்டி இப்படி எனறு

செல்லமாகக் கோபித்துக் கொள்பவர்

ஜென் பரம்பரையில் பிறந்து வந்த

ஒருவராகவும் இருக்கக் கூடும்

*****