அற்புத ஆபர்களின் காலம்

எல்லா கசப்புக்கும் ஒரு வருகை

நேரில் ஒரு சண்டை இல்லை

ஒருவரை ஒருவர் திட்டி ஒரு வசவுச் சொல் இல்லை

வாட்ஸப் பகிர்வில் வந்த பிரதிவினைக்காக

பேசாமல் இருக்கிறார் சித்தப்பா

டிவிட்டரில் எதிர்கருத்துப் போட்டதற்காக

முகம் கொடுத்துப் பேசாமல் போகிறார் பெரியப்பா

பேஸ்புக்கில் லைக்ஸ் போடவில்லையென

முகத்தைத் தூக்கி வைத்துக் கொண்டு போகிறார் மாமா

ப்ரொபைல் படத்தைப் பார்த்து

ஒரு ஷொட்டு வைக்கவில்லையென

சித்திக்கும் அத்தைக்கும் கோபம்

இன்ஸ்டா பக்கம் வந்து பார்க்கவில்லை என

அண்ணிக்கு வருத்தம்

எல்லார் வீட்டிற்கும் திடுமென ஒரு நாள் போய்

ஒரு கோப்பை தேநீர் பருகி வந்தால்

எல்லா கசப்பும் ஒரு வழியாகத் தீர்ந்து விடும்

*****

அற்புத ஆபர்களின் காலம்

எல்லாரிடமும் ஒரு செல்பி எடுத்துக் கொண்டதும்

விழா நடந்து முடிந்து விடுகிறது

வாட்ஸாப் வாழ்த்து பரிமாற்றங்களுடன்

தீபாவளியும் பொங்கலும் கடக்கிறது

ஓடிடியில் பார்த்து

புதுப்படத்தைக் கொண்டாட முடிகிறது

பிடிஎப் ஆக வாசித்து

ஒரு புத்தகத்தை முடிக்க முடிகிறது

ஆன்லைனில் இரண்டு படிப்புகள்

ஆண்டுதோறும் முடித்தாகிறது

ஸ்விக்கி சொமோட்டோவில்

புசித்தலும் ருசித்தலும் முடிகிறது

காசி கங்கா தீர்த்தம்

ஆன்லைனில் பணம் கட்டிய

இரண்டு நாட்களில் வீடு தேடி வருகிறது

சுடுகாடு போய் வருவது வரை

அற்புத ஆபர்கள் பல இருக்கின்றன

*****