சாலை எனும் புண்ணியவான்

சாலை எனும் புண்ணியவான்

இந்த சாலை விதிமுறைகளிடம்

முறையிட முடிவதில்லை

நடைபெறும் விபத்துகளை

விபத்துகள் தினம் நிகழ்ந்து

கொண்டுதான் இருக்கின்றன

என அலுத்துக் கொள்கிறது போக்குவரத்து

சாலை ஓரத்தில்

சென்று கொண்டிருப்பவனை

அடித்துப் போட்டு விட்டு

நிற்காமல் செல்லும்

வாகனத்தை வேடிக்கைப் பார்க்கும் மரம்

தன் மேல் அவன் மோத வரும் நாளை

எண்ணிக் கொண்டிருப்பது போல

இலைகளை படபடக்கிறது

சுற்றியுள்ளவர்கள் ஓடி வந்து

தூக்கிச் செல்லும் போது

இந்த மனிதர்களைத் தாங்கியதற்கு

பெருமைபட்டுக் கொள்கிறது சாலை

*****