குத்தும்

பொறுப்பு

"இந்த மாச டியூவையும் கரெக்டா கட்டிடணும்!" மனதுக்குள் நினைத்தவாறே பொறுப்பாக பிக் பாக்கெட் அடிக்கக் கிளம்பினான் உத்தமராசா.

*****

குத்தும்

"பொய் சொன்னா சாமி கண்ணைக் குத்தும்!" என்ற சித்தப்பாவிடம், "போ சித்தப்பா! பொய் சொன்னா வாய்லதான் குத்தணும்! ஏன் கண்ணைக் குத்தணும்?" என்றாள் அம்முக்குட்டி.

*****

நுழைவு

காந்தி, காமராசர், தெரசா போன்றோர் கூட்டாக நுழைந்தனர், கட்டணம் கட்டாவிட்டால் வெளியேற்றி விடும் அந்த பள்ளிக்கு ஒரு மாறுவேடப் போட்டிக்காக.

*****

நினைவு

இன்றும் பார்க்கம் போதெல்லாம் நினைவு கூறப்படுகிறது பதினொரு மணிக் காட்சிக்காக அந்த மூடப்பட்ட திரையரங்கம்.

*****

தடுப்பு

"பெண் குழந்தைகளின் இறப்பு விகிதத்தைக் குறைத்து விட்டோம்!" என்றார் ஆவேசமாக தலைவர். "அதான்! சிசுவா இருக்கிறப்பவே கலைச்சிடுறானுங்களே!" ஆதங்கபட்டுக் கொண்டாள் சமூகப் போராளி அஜிதா.

*****