தலைவர் வம்சம்

தலைவர் வம்சம்

ஒரு சாதாரண மனிதராக என்று சொல்ல முடியாத

குழந்தையாகத்தான் பிறந்தார்

தலைவர் என்ற பெயரெடுப்பதற்குள்

கடப்படாதவன் என்ற பெயரை பலமுறை எடுத்தார்

குடியால் கேளிக்கையால் வசீகரப் பேச்சால்

மனிதர்களை இணைக்கும் நுட்பம் கண்டவர்

தமக்காக அலைபவர்களைத் தொண்டர்கள் என்றார்

மாபெரும் கனவொன்றைப் பிரசவிக்க வேண்டுமென்று

அனுதினமும் சொல்லிச் சொல்லி

கச்சாப் பொருட்கள் இல்லாமல்

கனவின் போஷாக்குக் குன்றி விடக் கூடாதென்று

சாமர்த்தியமாய்ச் செய்த சம்பாத்தியத்தில்

உள்நாட்டு வங்கிகள் நிறைந்து

வெளிநாட்டு வங்கிகளில் திளைக்குமளவு

கருப்பும் வெள்ளையுமாய் பழுப்பும் கொழுப்புமாய்

ஏராளம் ஏராளம் சொத்திலும் சுகத்திலும் சேர்த்தார்

தலைவர்களை உருவாக்கும் தலைவர் வம்சம்

அவர்தம் வீட்டைக் கிஞ்சித்தும் குறைகளுமின்றி

நாட்டைப் பல்வேறு குறைகளோடு ஆள்வதாக

வயிற்றுக்குச் சோறில்லாதவரும் தலைவரைக் கண்டால்

வாழ்க கோஷமிடுவார் அடி வயிற்றிலிருந்து

*****