குறி இயக்கம்
எல்லார்க்கும் காலம் பார்த்துச்
சொல்லும்
காலக்கிளிக்கு
யார் காலம் பார்த்துச் சொல்வது
காலக்கிளிக்குத் தெரியும்
கூண்டில் அடைப்பட்ட காலம்
கெட்ட காலம்
குறி சொல்வதனின்று விடுபடும்
காலம் நல்ல காலம்
குறி கேட்காமல் கால வெளியில்
பறப்பதில் இருக்கிறது
ஒவ்வொருக்கான நல்ல காலம்
காலக்கிளியைப் பிடிப்பவர்கள்
பிடிபட்ட கிளிக்குக் கூண்டு
செய்பவர்கள்
கண்ணில் படாது பறந்து கொண்டிருக்கும்
போது
குறிகளுக்கான அர்த்தமின்றி
இயங்கிக் கொண்டிருக்கிறது
காலப் பெருவெளி
*****
No comments:
Post a Comment