பறத்தலின் அரசியல்
பறவைகளுக்குத் தலைவர் இருப்பதாகக்
கதையொன்று படித்தேன்
பறவைக் கூட்டங்கள் இரண்டு
போரிட்ட கதையொன்றும் உண்டு
மனிதர்களுக்கு இருப்பதைப்
போன்ற வாழ்வு
பறவைகளுக்கும் இருக்குமோ
எனில்
வளைவுகளும் நெளிவுகளும்
சாலைகளில் பயணிக்கும் வரை
வானத்தில் பறக்கும் பறவைகளுக்கேது
குண்டுகளும் குழிகளும்
மேடுகளும் பள்ளங்களும்
பாலங்களும் பாலங்களின் ஊழல்களும்
எட்டு வழிச் சாலைகளும்
மற்றும்
பல டோல்கேட்டுகளும்
சுங்கச் சாவடி கட்டணங்களும்
*****
No comments:
Post a Comment