கடல் விழுங்கியதன் பட்டியல்
இந்தக் கடல்
இருபது மனிதர்களை
இரண்டு கப்பல்களை
இருபத்து இரண்டு படகுகளை
இன்னும் பல உயிருள்ள உயிரற்ற
பொருட்களை
விழுங்கியது பற்றி பலர் சொன்னார்கள்
கரையில் வந்தமர்ந்த மனிதர்களின்
கவலைகளை விழுங்கியது பற்றி
யாரும் வாய் திறக்கவில்லை
அது பற்றி யாரும் எதுவும்
சொல்லாதது குறித்து
கடலும் எவ்வித கவலையும் கொள்ளவில்லை
அது பாட்டுக்கு அலைந்து கொண்டிருக்கிறது
விழுங்கிய அனைத்தையும்
நின்று தின்று செரிக்கும்
கடல்
*****
No comments:
Post a Comment