துயரத்தின் பாடல்

துயரத்தின் பாடல்

இந்தத் துயரத்தின் பாடலைக் கேட்க முடியாது

என்று சொன்ன பின்னும்

அதைக் கேட்பதைத் தவிர வேறு வழியில்லை

தீர்வுகள் எளிமையாக இருக்கின்றன

அதை எடுத்துக் கொள்வதில் மனதிருப்தி இருக்காது

கடினமான வழிமுறைகளே உங்கள்

மனதிருப்திக்கு உகந்தது

துயரத்தின் பாடலைக் கேட்டுக் கொண்டிருப்பது

விதிக்கப்பட்ட சாபம்

சாபத்தை விடுவித்துக் கொள்ள

காதுகளைச் செவிடாக்கிக் கொள்ள வேண்டும்

துயரத்தின் பாடல் ஒலித்துக் கொண்டிருக்கிறது

*****