உதவி பெறுவதற்கானத் தகுதி

உதவி பெறுவதற்கானத் தகுதி

ஆசை கொண்டு கேட்கும் உதவிகள்

அசிங்கப்படுத்தி விட்டுப் போகின்றன

தேவைப்படும் உதவிகள்

தேவையான நேரத்தில் கிடைக்காமல் போகின்றன

எதிர்பார்க்கும் உதவிகள்

ஏமாற்றத்தில் நிறுத்தி விட்டுப் போகின்றன

தானாகக் கிடைக்கும் உதவிகள்

சிபாரிசுகள் தேவைப்படாமல் நிறைவேறுகின்றன

உதவிகள் கிடைத்தால்

பெரிய ஆளாக ஆகலாம்

ஆனால் பெரிய ஆளாக ஆக

உதவிகள் கிடைக்கும் வரை காத்திருக்கக் கூடாது

பெரிய ஆளாக ஆனால்

உதவிகள் செய்யலாம்

ஆனால் செய்வதாக் சொல்லிச் செய்யக் கூடாது

செய்வது உதவி என்பது புரியாமலேயே

கைம்மாறு என்பதாகக் கருதிப்

பெரிய ஆட்களுக்கு உதவிகள் செய்ய

சிறிய ஆட்கள் தயாராக இருக்கிறார்கள்

கேட்பது உதவி என்பது தெரியாமல்

கேட்பதில் இருக்கிறது சாமர்த்தியம்

உங்களுக்கு உதவி செய்தால் உயரலாம்

என்ற பிம்பத்தைக் கட்டமைப்பில் இருக்கிறது

உதவி பெறுவதற்கான உங்களது தகுதி

*****