சொல்லால் குரைப்பவன்

மேற்படி சொல்லப்பட்டது

முயற்சிகள் தோற்பதில்லை என்று

வலியுறுத்திச் சொன்ன போது

நம்பாமல் பார்த்தவர்களை

நோக்கிச் சொல்லப்பட்டது

பேராசைகள் தோற்று விடுகின்றன.

*****

சொல்லால் குரைப்பவன்

சொல்லைக் குதறிக் கொண்டு

அலையும் நாய் நான்.

அதற்காகவே குரைக்கிறேன்.

அதற்காகவே கடிக்கிறேன்.

சொல்லைக் கற்களாக

எடுத்தெறியும் மனிதர்கள் நீங்கள்.

அதனாலேயே அடிக்கிறீர்கள்

அதற்காகவே அடிக்கிறீர்கள்

இரத்தம் சொட்ட சொட்ட.

*****