மதோன்மத்தர்கள் - எச்சரிக்கை!
நாட்டில் நிறைய அரைக் கிறுக்குகள் பெருகிக்
கொண்டிருக்கிறார்கள். தவறாக எடுத்துக் கொள்ளாதீர்கள் என்று ஆரம்பித்து, தவறாக எடுத்துக்
கொள்வதைச் சொல்கிறார்கள்.
அவர்களும் செய்யவதில்லை, அடுத்தவர்களையும்
செய்ய விடுவதில்லை. இப்படிப்பட்ட மனக்கோளாறு உடையவர்களுடன் வாழ்ந்துதான் இந்தச் சமூகத்திற்கு
ஏதாவது செய்ய வேண்டியிருக்கிறது.
வேறு எந்தக் காலத்தையும் விட இந்தக் காலத்தில்தான்
நல்லது செய்வதற்கு எக்கச்சக்க தடைகளை எதிர்கொள்ள வேண்டிய துர்பாக்கியமான சூழ்நிலை
நிலவுகிறது.
ஊழல் செய்பவர்கள் அறிவுரை வழங்குகிறார்கள்.
முறைகேடுகளில் சிக்கிக் கொண்டவர்கள் நாடு எப்படி இருக்க வேண்டும் என்று கருத்துரு
வழங்குகிறார்கள். கயமைத்தனங்கள் கொண்டவர்களை அழைத்து பஞ்சாயத்து செய்ய வேண்டியதாக
இருக்கிறது.
நிலைமை இப்படியே போனால்...
பழைய புத்தகங்களை எல்லாம் கிழித்தெறியத்தான்
வேண்டும்.
ஆம்! பழைய புத்தகங்களில் என்ன இருக்கிறது?
திருடாதே என்று இருக்கிறது. பொய் சொல்லாதே என்று இருக்கிறது. இந்தக் காலத்தில் அப்படியெல்லாம்
இருக்க முடியுமா?
நம்மை எப்படியெல்லாம் சிந்திக்க வைக்கிறார்கள்
பாருங்கள் இந்த மதோன்மத்தர்கள்?
*****
No comments:
Post a Comment