ஏழைகளை இகழாதீர்கள்!
பென்ஸ் காரில்
செல்பவர்களே!
பீட்சா பர்க்கர்
தின்பவர்களே!
பாட்டில் நீரில்
குளிப்பவர்களே!
அபார்ட்மென்ட்
மாளிகையில் இருப்பவர்களே!
ஏழைகளை இகழாதீர்கள்.
அவர்கள் நாகரிகமற்றவர்கள்
என்று சிரிக்காதீர்கள்.
அவர்களை இழிந்தவர்கள்
என்று பழிக்காதீர்கள்.
உங்கள் உணவை
விதைத்தவர்கள் அவர்கள்
உங்கள் வீடுகளுக்கு
அஸ்திவாரம் இட்டவர்கள் அவர்கள்
உங்கள் கார்கள்
செல்லும் சாலையைப் போட்டவர்கள் அவர்கள்
உங்கள் நீரைச்
சுமந்து வந்து தந்தவர்கள் அவர்கள்
நீங்கள் சோம்பல்பட்டு
செய்யாமல் கிடக்கும் எடுபிடி வேலைகளை
உங்களுக்காக
உங்களிடம் அடிமைகள் போல் இருந்து
செய்பவர்கள்
அவர்கள்!
*****
No comments:
Post a Comment