என்று மட்டும் சொல்வதற்கில்லை

என்று மட்டும் சொல்வதற்கில்லை

தினம் தோறும்

இரண்டு வேளை பல் துலக்குபவன்

அநேகமாக அண்மையில்

பல் மருத்துவரிடம்

சென்று வந்தவனாக இருப்பான்

அடிக்கடி பஞ்ச் டயலாக் பேசித் திரிபவன்

டோரன்டில் பதிவிறக்கம் செய்து

படம் பார்த்தவனாக இருப்பான்

மணல் கொள்ளை பற்றியும்

கிரானைட் பற்றியும் பேசுபவன்

வாட்ஸ் அப்பிலோ, பேஸ்புக்கிலோ

அதை படித்தவனாக இருப்பான்

அடிக்கடி செல்பி எடுத்துக் கொள்பவன்

திருமணம் நிச்சயம் செய்யப்பட்டவனாக இருப்பான்

‍வித்தியாசமாக ஹெல்மெட் அணிந்து செல்பவன்

செயின் பறிப்பவனாக இருப்பான்

அப்படி இல்லாமைக்கான சாத்தியக்கூறுகள் பற்றி

சிந்திப்பவன் அநேகமாக அமைதியாக

ஒதுங்கி நடந்து கொண்டிருப்பான்

என்று மட்டும் சொல்வதற்கில்லை

‍அநேகமாக ஆர்ப்பாட்டமும் செய்து கொண்டிருப்பான்

*****