ஒரு துளி உண்மை

ஒரு துளி உண்மை

ஓரு குவார்ட்டருக்கு பத்து ரூபாய் குறைவதாக

ஒரு போதைப்பாக்குக்கு இரண்டு ரூபாய் குறைவதாக

ஒரு சிகரெட்டுக்கு ஒரு ரூபாய் குறைவதாக

கேட்பவர்களுக்கு ஈயாமல் செல்வது

பெருமையாகத்தான் இருக்கிறது

அவர்களை நாலு வார்த்தை திட்டி விடுவதில்

சுகம் இருக்கத்தான் செய்கிறது

வேறு காரணங்களைச் சொல்லி

காசு கேட்காத அவர்களின் நேர்மை

ஒரு கட்டத்தில் உறுத்தத்தான் செய்கிறது

அவர்கள் ஏன் உண்மையானவர்களாக

இருக்கிறார்கள் என்று?

*****