உங்கள் வீட்டு இயந்திரத்துக்கு சர்க்கரை வியாதி இருக்கிறது

உங்கள் வீட்டு இயந்திரத்துக்கு

சர்க்கரை வியாதி இருக்கிறது

நடைபயிற்சி செய்பவர்க்கு சர்க்கரை இருக்கலாம்

மிதிவண்டியில் பயிற்சி செய்பவர்க்கு

இரத்த அழுத்தம் இருக்கலாம்

கைகளை வீசி மெல்ல ஓடுபவர்க்கு

கொழுப்போ, உடல்பருமனோ இருக்கலாம்

இந்தச் சிறுபொழுதில் சுயமாக இயங்கும்

இவர்கள் இன்னும் சிறிது நேரத்தில்

இயந்திரம் போல் இயங்கத் தொடங்கி விடுவார்கள்

ஓர் இயந்திரத்தின் இயக்கம்

சர்க்கரையை, இரத்த அழுத்தத்தை, கொழுப்பை,

உடல்பருமனைக் கொண்டு வருமா என்று

நீங்கள் ஆச்சர்யப்படலாம்

அவர்கள் மனிதர்களாக மாறி

அவைகளைக் குறைப்பதற்கான

அதற்கான பயிற்சியை அவர்கள் செய்கிறார்கள்

என்பதை புரிந்து கொள்ளாத வரை

*****