ஏறி இறங்கிய முகம்
அடிக்கடி அவிழ்ந்து விழுந்த
கால்சட்டையைப் பார்த்த
பாண்டி சித்தப்பா
ஓலை பாம்பை அடித்து
இடுப்பில் கட்டி விடுவதாக
மிரட்டிய பின்பு
இடுப்பில் தங்கத் தொடங்கியது கால்சட்டை!
அன்றிலிருந்து ஏறுமுகமாக இருந்த பயபக்தி
பிறிதொரு நாளில்
இடுப்பில் தங்காத வேட்டியோடு
குடித்து விட்டு ரோட்டோரம் விழுந்த கிடந்த
பாண்டி சித்தப்பாவைப் பார்த்த போது
இறங்கு முகமாகிப் போனது!
******
No comments:
Post a Comment