யானை மீன் மனிதன்

அவர்கள் அப்படித்தான்!

இப்போது மீத்தேன் எடுக்க வந்தால்

விட்டு விடுக

பிறகு ஒரு காலத்தில் அவர்களே

விவசாயம் செய்ய வருவார்கள்

அதைக் கார்ப்பரேட் தொழிலாக்கி.

*****

யானை மீன் மனிதன்

கோயில் இருக்கும் யானைக்கு

வனாந்தரத்தின் கனவு

தொட்டியில் இருக்கும் மீனுக்கு

கடலின் நினைவு

அபார்ட்மெண்டில் இருக்கும் மனிதனுக்கு

அங்கிருந்து தப்பி விட வேண்டும் என்ற உணர்வு

*****

வெடிச் சிரிப்பு

ஊதிப் பெரிதாக்கிப் பார்த்த குழந்தை

சிரித்துக் கொண்டே இருக்கிறது

உடைந்துப் போன பலூனுக்காய்.

*****