நிறம் கொள்ளும் நிறம்
காக்கா கருப்பு என்பது
மகள் சொல்லிக் கொடுக்கும்
போது
இன்னும் அர்த்தப்படுகின்றன
நிறங்கள்.
*****
பீஸ்
முதுகுவலிக்கு டாக்டரிடம்
சென்று வரும் அம்மா
மறக்காமல்
மஞ்சள் துணியில்
முடிந்து வைக்கிறாள்
காசு.
*****
காத்திருப்பு
முப்பதைக் கடந்து விட்ட
அக்காவைப் போல்
அக்கா சுட்ட
சரியாக வேகாத
வடையொன்று
உண்ணப்படாமல்
காத்திருக்கிறது
தூக்கிச் செல்லும் காக்கைக்காக.
*****
No comments:
Post a Comment