இறப்பை வாங்குதல்
படபடக்கும் காலண்டரின்
தாள்
இன்று
இறப்பைக் காட்டலாம்
காட்டாமல் போகலாம்
இன்னொரு நாளுக்குத்
தள்ளி வைக்கலாம்
காலண்டரை வாங்கியபடி
போய்க் கொண்டிருந்தார்கள்
மனிதர்கள்.
*****
மரணத்தைப் பார்த்தல்
நின்று போயிருக்கும்
கடிகாரம்
இறப்பின் நேரத்தைச் சுட்டுவதாகச்
சொன்னார்கள்
கடிகாரத்தின் மரணத்தைப்
பார்த்தவர்கள்
ஒரு கனம் உறைந்துப் போனார்கள்
அடிக்கடி உற்றுப் பார்த்துக்
கொண்டார்கள்
தங்கள் கடிகாரம் நிற்காமல்
ஓடுகிறதா என்று.
*****
No comments:
Post a Comment