பட்டணப் புரிதல்

பட்டணப் புரிதல்

கேனில் தாகம் தணிய

சிலிண்டரில் விசில் சத்தத்தோடு சோறு பொங்க

பாக்கெட்டில் பால் வந்து விழ

பிரிட்ஜுக்குள் காய்கறிகள் உயிர் கொள்ள

முன்வாசல் தாண்டி சாக்கடை ஓட

வியர்வை அப்பிய உடலோடு

அறுபது பேர் பயணிக்க வேண்டிய பேருந்தில்

நூற்றிருபது பேர் பயணிக்க

கொசுவர்த்திச் சுருளோடு இரவுகள் கழிய

பட்டிக்காடு என்பதில்

என்னென்ன இருந்தது என்பதை

பட்டணம் வந்து புரிந்து கொள்வீர்!

*****