அடக்கி வாசிங்க!

மறியல்

"அவங்க காவிரியைத் தடுத்தா, நாம நெய்வேலி கரண்டைத்தானே தடுக்கணும்! ஏம்பா ரயிலைத் தடுக்குறாங்க?" என்றான் ரயில்வே நிலையத்தில் காத்துக் கிடந்த சுட்டி சந்திரன்.

*****

அவரவர் வேலை

"உடம்பு சரியில்லைன்னு வேலைக்கு வரலேன்னா அப்புறம் வேலையை விட்டு நிறுத்திடுவேன்!" என்ற மோனிகா, மெடிக்கல் லீவ் போட்டு அந்த வாரத்தைக் கழித்துக் கொண்டிருந்தாள்!

*****

அடக்கி வாசிங்க!

"கொஞ்சம் அடக்கியே வாசிங்க! மறுபடியும் தேர்தலை ஒத்தி வைக்கிற மாதிரி செஞ்சுபுடாதீங்க!" பினாமிகளுக்கு இன்ஸ்ட்ரக்சன் கொடுத்துக் கொண்டிருந்தார் தலைவர் தஞ்சைவாணன்.

*****