நிச்சயம்
காதலித்தவனை மறுத்து, சொந்த சாதியில் நல்ல குடிகார
மாப்பிளையாய்ப் பார்த்து கட்டி வைத்தார் அப்பா.
*****
சாட்சி
யுத்த கொடுமைகளுக்குத் தப்பி வந்தவள் வயிற்றில்
வளர்ந்து கொண்டிருந்தது வன்கொடுமையின் சாட்சியாய் மூன்று மாத கரு.
*****
நம்பிக்கை
எப்படியும் லிஸ்ட் மாறும் என்ற நம்பிக்கையோடு
இருந்தான் கட்சிக்கு விருப்ப மனுவையும், பணப்பெட்டியையும் சேர்த்துக் கொடுத்த சின்ராசு.
*****
கேள்வி
"கட்சியில் எம்.எல்.ஏ. சீட்டுவாங்குறதுக்கே
எல்லா பணத்தையும் கொடுத்துட்டா, அப்புறம் ஓட்டுப் போடுறதுக்கு எப்படி பணம் கொடுக்குறது?"
சீறினான் பணம் கொடுக்காமலே சீட்டு வாங்க நினைத்த ஆதிமூலம்.
*****
மிச்சம்
"கட்சியில சீட் இல்லேன்னுட்டாங்க! செலவு
மிச்சம்!" என்று சந்தோசப்பட்டுக் கொண்டார் விருப்ப மனு கொடுக்க கட்டாயப்படுத்தப்பட்ட
வெள்ளைச்சாமி.
*****
No comments:
Post a Comment