பட்டம்
காணாமல் போன
கைவளையல்
புழக்கடையில்
கிடந்த போது
வேறு யார் மீதும்
விழாமல்
தன் மேல் விழுந்ததற்காய்
நன்றி சொல்லிக் கொண்டாள்
திருட்டுப் பட்டம் சுமந்த
அத்தை.
*****
மழைச் செய்தி
கதவைத் தட்டாமல்
வெளியே
பெய்து கொண்டிருக்கும்
மழை சொல்லக்கூடும்
கடை விரித்தேன் கொள்வாரில்லை என்று!
மழைநீர் சேமிப்புத் தொட்டிகளை
உருவாக்கி விட்டு
வீட்டுக்குள்
மழை குறித்த செய்திகளைச்
சேமித்தபடியே
முடங்கிக் கிடக்கும்
நமக்குத் தெரியாது
குழாய்கள் உடைந்து
பல நாள்கள் ஆகி விட்டன என்ற
செய்தி!
*****
No comments:
Post a Comment