சுய மரணம் செய்து கொள்ளா எண்
ஒரு தவறிய அழைப்பில்
வந்த அவர்
எத்தனையோ முறை
அழைத்தும்
தவறிக் கூட
அழைப்பில் வரவில்லை!
ஸ்விட்சுடு ஆப்
ஆகியிருக்கும்
அந்த எண்ணுக்குப் பின்
இருக்கும் ரகசியம்
ஒரு போதும்
சுயமரணம் செய்து கொள்ளாது
என்பது பாவம் அவர் அறியாதது!
*****
அன்பின் சண்டை
அம்முக்குட்டிக்கும்
அம்மாவுக்கும் சண்டை.
அம்முக்குட்டி
அம்மாவுக்குப் பிரியமான
விநாயகர் படத்தைத்
துடைத்து மாலையிட்டாள்.
அம்மா
அம்முக்குட்டிக்குப் பிடித்த
அவல் பாயாசம் செய்தாள்.
*****
No comments:
Post a Comment