ஒரே விலை

2499

"ஒரு இளநி இருபது ரூபாயா?" என்று பேரம் பேசி பதினைந்து ரூபாய் கொடுத்த ஆதவ், பிராண்டட் சட்டை என்றதும் 2499 ரூபாய்க்கு, 2500 ரூபாயை மறுபேச்சு இல்லாமல் எடுத்துக் கொடுத்தான்.

*****

ஒரே விலை

"ஒரே விலை!" என்று எழுதப்பட்ட ஏ.சி. கடைக்கு முன், பேசும் பேரத்திற்கு ஏற்ப வளைந்து கொடுத்து விற்கும் தோல் சுருங்கிய கிழவி ஒருத்தி அமர்ந்திருக்கிறாள் காய்கறிகளைக் கூறு கட்டி வைத்துக் கொண்டு.

*****

திருட்டு

ஸ்கூல் பீஸ் அதிகமான போதெல்லாம் திருட்டு அதிகமானது அந்த ஏரியாவில்.

*****

வரம்

நேரில் வந்த கடவுளிடம் வரம் கேட்டான், தன் காதலிக்கு தொடர்ந்து டாப் அப் பண்ணி விடச் சொல்லி.

*****