மலடி என்ற சொல் மறந்து

மலடி என்ற சொல் மறந்து

மலடியின் ஏக்கம்

நிறைந்திருக்கிறது

வறண்டு போய்

மணலை இழந்து கிடக்கும்

ஆற்றுவெளி முழுவதும்!

நீர் வரும் பொழுதில்

மணல் வரும் என்ற

நம்பிக்கை பொய்த்துப் போகிறது

கழிவு நீர் திரளும்

நாள்களில்!

மெல்ல மெல்ல

சாக்கடைக் கால்வாயாக

மாறும் ஆற்றில்

புழுக்களும், பூச்சிகளும்

ஜனிக்கின்றன.

மலடி என்ற சொல் மறந்து

சிரிக்கிறது ஆறு

வெளியெங்கும் துர்நாற்றமாய்!

*****

வெளிச்சத்தின் சத்தம்

மெளனமாய்

உருகும் மெழுகு

சத்தம் போட்டுச் சொல்கிறது

வெளிச்சத்தை!

*****