ஏன்பா இப்படி?

ஏன்பா இப்படி?

"ஏன்பா இப்படி நடுரோட்டுல அடிச்சுகிட்டு நிற்குறீங்க?" என்று கேட்டவரைப் பார்த்து, அடித்துக் கொண்டவர்கள் கேட்டார்கள், "விமான நிலையத்துக்குப் போய் அடிச்சுக்க நாங்க என்ன எம்.பி.க்களா?"

*****

துலக்கம்

இன்று முத்தக் காட்சி, எப்படியும் பத்து டேக்குக்கு மேல் போகும் என்பது அறிந்து பல் துலக்காமல் வந்தாள் நடிகை ஆசிகா.

*****

பயன்

உயிருள்ள வரை உதவாமல் போனாலும், இறந்த பின் அடையாளம் கண்டுபிடிக்க உதவியது பொது இடத்தில் இறந்து கிடந்த இசக்கியின் டைரியில் இருந்த ஆதார் கார்டு.

*****

வேண்டுதல்

"போன மாசம் மாதிரியே இந்த மாசமும் மாமூல் வாங்குறப்ப மாட்டிக்கக் கூடாது! நீதான் மனசு வைக்கணும்!" வேண்டிக் கொண்டே உண்டியலில் ஐநூறு ரூபாய் நோட்டை எடுத்துப் போட்டார் ஏட்டய்யா.

*****